Yawn Hkyen Shiga

Knet; praw3, August , 2008

Wunpawng Amyu Sha Mungbawng Rapdaw, kaw e Amu madu magam lit hpe gunhpai nga ai Zahkung Lungtung Hkawng Je gaw, 2008 Ning, August (3) ya shani 12:30 (pm) ten hta n'myit mada ai Mungkan ga na a na zinli hte madu Yesu kaw yup pyaw mat wa sai lam na chye lu ai.

Zahkung Lungtung Hkawng Je gaw WMR Amu madu lit hpe gunhpai let, Amyu sha gahkyin gumdin lam, Buga nga ngwi nga pyaw lam ni hta magrau grang ai hte galaw lai wa sai lam mung chye lu ai.

Zahkung Lungtung Hkawng Je a moi mang makoi mayang poi hta, KIO, Ningbaw Kaba hte rau Ginjaw Komiti Salang ni WMR mugun masha ni hte shi hpe tsaw ra ai makyin jinghku, manaw manang ni yawng 500 jan mung sadu yawn hkyen lawm ai lam na chye lu ai.